Дания кардиологлари антидепрессантларни қабул қилиш, айниқса, 40 ёшгача бўлган одамларда юракнинг тўсатдан тўхтаб қолиш хавфини сезиларли даражада ошириши мумкинлигини аниқладилар.

Мамлакат бўйлаб ўлимга оид маълумотлар таҳлил қилинганда, тадқиқот ташвишли натижани қайд этди: одам бу дориларни қанча узоқ қабул қилса, огоҳлантирувчи аломатларсиз юрак тўхташ хавфи шунчалик юқори бўлади.

Бир йилдан беш йилгача антидепрессантларни қабул қилиш тўсатдан юрак тўхташи хавфини ўртача 56 фоизга оширган. Бироқ, 30-39 ёшдаги одамларда қисқа муддатли фойдаланиш бундай натижа эҳтимолини уч бараварга ва беш йилдан ортиқ фойдаланиш хавфни беш бараварга оширган.

Тўсатдан юрак ўлими- юрак етишмовчилигининг биринчи белгиларидан кейин ёки умуман аломатларсиз бир неча соат ичида содир бўлади. Бунинг сабаби миокарднинг электр фаоллигидаги бузилишлар ёки қон томир патологиялари бўлиши мумкин.

Олимларнинг таъкидлашича, олинган маълумотлар даволанишдан бош тортишни англатмайди, балки антидепрессантларни, айниқса ёш беморларда узоқ муддатли қўллашнинг фойдалари ва хавфларини синчковлик билан ўрганишни талаб қилади.