LDPR fraksiyasi deputatlari shifokor tavsiyasiga ko‘ra ambulator davolanishda bo‘lgan 14 yoshgacha bo‘lgan bolalarga dori-darmonlarni bepul berish taklifini ilgari surdi.

Tegishli qonun loyihasi ko‘rib chiqilishi uchun Rossiya Federatsiyasi hukumatiga yuborilgan.

Hozirgi kunda ambulator davolanish doirasida faqat 3 yoshgacha bo‘lgan bolalar va ko‘p bolali oilalarning 6 yoshgacha bo‘lgan farzandlarigina retsept asosida dori-darmonlarni bepul olish huquqiga ega.

Tashabbus mualliflarining fikricha, ushbu chora bolalar tibbiy xizmatining qulayligini oshiradi hamda iqtisodiy tejamkorlik tufayli yuzaga kelishi mumkin bo‘lgan bolalar salomatligiga oid asoratlarning oldini olishga yordam beradi.

"14 yoshgacha bo‘lgan bolalar o‘tkir va surunkali kasalliklarda asoratlar xavfi yuqori. Shunday ekan, o‘z vaqtida boshlangan dori-darmon muolajalari bola salomatligini saqlashning muhim shartidir," - deyiladi fraksiya matbuot xizmati xabarida.

Dorilar ro‘yxati hayotiy zarur va eng muhim dorilar ro‘yxatiga mos kelishi taxmin qilinmoqda. Bunda hududlar fuqarolarga bepul tibbiy yordam ko‘rsatishning davlat kafolatlari hududiy dasturini shakllantirishda uni mustaqil ravishda kengaytirishi mumkin bo‘ladi.