Shokolad nafaqat yoqimli taʼm va kayfiyat beradi, balki juda koʼp foydali xususiyatlarga ega. Parhezshunos 50 yoshdan oshgan odamlar uchun mashhur desertning foydalari haqida gapirdi, deb yozadi "Вечерняя Москва".

Mutaxassisning fikricha, shokolad yoshlik va goʼzallikni uzaytirishi mumkin. U qonni suyultiradi va qon tomir kasalliklarining rivojlanishiga toʼsqinlik qiladi, shuning uchun u ayniqsa keksa odamlar uchun foydalidir.

“Tarkibida 70 foiz kakao boʼlgan shokolad, shuningdek, koʼp miqdordagi antioksidantlar erta qarishni oldini oladi. Bundan tashqari uning tarkibida polifenollar va resveratrol ham mavjud. Ular qarish tezligini pasaytirish bilan birga, saraton, yalligʼlanish kasalliklari va ateroskleroz xavfini kamaytiradi, - dedi dietolog.

Shokolad immunitet tizimini mustahkamlaydi, bu kamroq kasal boʼlishga va shamollash bilan kurashishga imkon beradi va koʼp miqdordagi magniy asab va skelet tizimiga foydali taʼsir koʼrsatadi: tinchlantiradi va boʼshashtiradi, sochlar, tishlar, tirnoq va suyak holatini yaxshilaydi, qon tomirlarini kengaytiradi va qon bosimini normallashtiradi. Boshqa tomondan, magniy yetishmovchiligi stressni oldini oladi.

Achchiq va qora shokoladda koʼp miqdorda kofein mavjud, shuning uchun keksa odamlarga uni faqat kunning birinchi yarmida isteʼmol qilish tavsiya etiladi. Bunday shokolad odatda bolalar uchun mumkin emas.

Shokoladni isteʼmol qilishda bir boʼlagini olib, ogʼizda asta-sekin eritilishi va chaynamaslik lozim. Shunday qilib, toʼyinganlik hissi tezroq keladi va tana mahsulotdan barcha foydani oladi.