Dorixona dori vositalarini va tibbiy buyumlarni chakana realizatsiya qilishni, shuningdek ularni tayyorlashni amalga oshirish uchun tegishli litsenziyaga ega bo‘lgan yuridik shaxs shaklida yoki yuridik shaxsning tarkibiy bo‘linmasi shaklida tashkil etilishi mumkin.

Dorixonalarning filiallari, davolash-profilaktika muassasalarining dorixonalari ham dorixonalar jumlasiga kiradi.

Dorixonalar:

• sanitariya va gigiyena ashyolarini,
• shifobaxsh oziqlantirish mahsulotlarini,
• ma’danli suvlarni,  
• shuningdek davolash-kosmetika mahsulotlarini,  
• biologik faol qo‘shimchalarni realizatsiya qilishni ularning qo‘llanilishi va realizatsiya qilinishi uchun tegishli hujjatlar mavjud bo‘lgan taqdirda amalga oshirishi mumkin.

Dorixona mudiri oliy farmatsevtik ma’lumotga ega bo‘lishi kerak.

Dorixona filialining mudiri farmatsevtik ma’lumotga ega bo‘lishi kerak.

Dorixonalar tomonidan:

• dori vositalarini va tibbiy buyumlarni tayyorlash,
• berish,
• realizatsiya qilish qoidalariga,  
• ularning sifatini ta’minlovchi saqlash sharoitlariga rioya etilishi kerak.

Dorixonalar sanitariya qoidalari, normalari va gigiyena normativlari talablariga javob berishi kerak.