Evropada global isish fonida inson tanasiga zararli taʼsir koʻrsatadigan gʻayritabiiy issiqlik davrlari tez-tez uchrab turadi. Bu haqda Yevropaning Copernicus Yerni sun’iy yo‘ldosh monitoringi xizmati va Butunjahon meteorologiya tashkiloti (WMO) xabar berdi. 

Copernicus va WMO o'z hisobotida o'tgan yili qit'ani qamrab olgan ekstremal ob-havo sharoitlarini qayd etdi. Iyul oyida Janubiy Yevropaning 41 foizida haddan tashqari issiqlik kuzatilgan. Bu rekord darajadagi eng yuqori koʻrsatkichdir. Haddan tashqari issiqlik ochiq havoda ishlaydigan odamlar, qariyalar, yurak xastaligi va diabetga chalinganlar uchun alohida xavf tugʻdiradi. 

O‘tgan yilning iyul oyida Italiyaning ayrim hududlarida o‘lim darajasi o‘rtacha statistik ko‘rsatkichdan 7 foizga oshgan. Atrof muhitning inson organizmiga ta'siri harorat, namlik va tananing reaktsiyasi kabi omillarning kombinatsiyasi bilan belgilanadi. 

2023-yilda Ispaniya, Fransiya, Italiya va Gretsiyaning ayrim hududlarida harorat 46 darajadan yuqori bo‘lgan issiqlik to‘lqini kamida o‘n kun davom etdi. Bunday davrlarda inson salomatligiga salbiy ta'sir ko'rsatishning oldini olishga qaratilgan tezkor choralarni ko'rishni talab qilinadi. 

Hisobotga ko'ra, yevropaliklar orasida haddan tashqari issiqlik ta'siridan vafot etganlar soni taxminan 30 foizga oshgan. 

O'tgan oy Yevropa Ittifoqining atrof-muhit agentligi hukumatlarni iqlim o'zgarishiga moslashishga tayyorgarlik ko'rishga va ochiq havoda ishlaydigan odamlarni haddan tashqari issiqlikdan himoya qilish qoidalarini joriy etishga chaqirdi.