Oksford universiteti olimlari yogʼli goʼsht, sariyogʼ, pechenьe va toʼyingan yogʼga boy boʼlgan boshqa oziq-ovqatlar jigarga zarar yetkazishi va organizmdagi xolesterin miqdorini tezda oshirishini aniqladi.

Olimlar uzoq vaqtdan beri ortiqcha xolesterin yurak-qon tomir kasalliklarining asosiy sabablaridan biri deb bilishgan. Gap shundaki, bu yogʼga oʼxshash modda qon tomirlarining "tiqilib qolishiga", ularda qon tromblarini shakllanishiga va qon bosimining oshishiga sabab boʼladi. Oksford tadqiqotchilari bu borada qaysi oziq-ovqatlar sogʼliq uchun eng xavfli ekanligini tajriba yoʼli bilan aniqlashdi.

Tadqiqotning bir qismi sifatida koʼngillilar guruhining biriga toʼyingan yogʼlarga boy mahsulotlarni ratsioniga qoʼshishdi, unda yogʼli goʼsht, sariyogʼ, pechenьe va boshqa shunga oʼxshash ovqatlar ustunlik qildi. Uch hafta oʼtgach, ishtirokchilar qon tomir muammolarining rivojlanishiga hissa qoʼshuvchi xolesterin darajasini oshishi va jigarda yogʼ yigʼilishi belgilarini boshdan kechirdilar.

Qizigʼi shundaki, koʼngillilarning umumiy vazni deyarli oʼzgarishsiz qoldi. Olimlarning fikriga koʼra, bu jigarda yogʼ yigʼilishi kasalligi normal tana vazniga ega odamlarda ham rivojlanishi mumkinligini koʼrsatadi.

Shu bilan birga, asosan koʼp toʼyinmagan yogʼlarni (yogʼli baliq va avakadolarda topilgan) isteʼmol qilgan nazorat guruhining xolesterin darajasi va jigar sogʼligʼida yaxshilanishlar koʼzatildi.