Ayni kunlarda bitiruvchilar davlat imtihonlarini topshirishayapti. Shu bilan birgalikda oliy oʻquv yurtlariga kirish imtihoniga tayyorgarlik koʻrishmoqda. Bugungi maʼlumotlarimiz ayni shu jarayon ichida boʻlgan yoshlarga asqotadi.

Imtihonlarga tayyorgarlik koʻrayotganda, sogʻlom turmush qoidalariga rioya qilishni yodda tutish kerak. Yaʼni: kechasi kech yotmang, yetarlicha uxlang va toʻgʻri ovqatlaning. Shuni yodda tutish kerakki, ochlik asabiy charchoqni keltirib chiqaradi, ortiqcha ovqatlanish esa tananing barcha kuchini maʼlumotni assimilyatsiya qilish uchun emas, balki ovqat hazm qilish uchun sarflashiga olib keladi.

Imtihondan oldin nonushtaga nima isteʼmol qilish kerak?

Ovqatlanish, qoida tariqasida, muntazam boʻlishi kerak: nonushta, tushlik va kechki ovqat. Ratsionda yetarli miqdorda oqsillar, vitaminlar va oʻsimlik yogʻlari boʻlishi kerak. Yaxshi taomlanish kun davomida diqqatni jamlashga, kechasi esa yaxshiroq uxlashga yordam beradi va tashvishlarni kamaytiradi.

Imtihon oldidan siz kraxmalli mahsulotlardan tayyorlangan taomlar bilan kechki ovqat qilishingiz kerak: makaron, guruch, kartoshka va yuqori kaloriyali non, oson hazm boʻladi va tinch uxlashingizga yordam beradi. Kechasi, agar xohlasangiz, asal bilan bir stakan iliq sut ichishingiz mumkin (agar allergiya boʻlmasa).

Ertalab siz xona haroratida bir stakan suv ichishingiz kerak, soʻngra oson hazm boʻladigan protein va tolaga boy ovqatlar bilan nonushta qilishingiz kerak: tuxum, loviya, asal bilan joʻxori uni(ovsyanka). Banan, yongʻoq, mayiz, quritilgan oʻrik, ananas, meva yoki sutli kokteyl isteʼmol qilishingiz ham mumkin.

Bir boʻlak qora shokolad yoki bir chashka kakao aqliy vazifalarni yengishga yordam beradi, - deya qoʻshimcha qildi shifokor Lenta.ru saytiga bergan intervyusida. Imtihondan oldin bir necha qultum suv yoki koʻk choy ichishni unutmang.