Musiqa tinglash ruhiy holat, stressni nazorat qilish, tashvish yoki charchoq kabi hayotning muhim jihatlariga bevosita ta’sir ko‘rsatadigan turli xil miya faoliyati va stimullarini keltirib chiqaradi.  

Xavotirni kamaytiradi: sevimli qo‘shiqni tinglash tashvish darajasini pasaytiradi. Musiqa stress bilan bog‘liq gormon - kortizol darajasini pasaytirishga yordam beradi.

Og‘riqni kamaytirishga yordam beradi: Musiqa terapiyasi tabiiy og‘riq qoldiruvchi vosita sifatida ishlaydigan endorfinlarni chiqaradi. Aslida, musiqa osteoartrit kabi ba’zi surunkali kasalliklarning og‘rig‘ini kamaytirishi mumkinligini tasdiqlovchi ko‘plab tadqiqotlar mavjud.

Nevrologik kasalliklarda yordam beradi: Alsgeymer, Parkinson yoki Autizm kabi. Bundan tashqari, musiqa miya uchun sport zaliga o‘xshaydi, chunki u asabiy aloqani, organning elastikligini va plastikligini oshiradi.

Immunitet tizimini mustahkamlaydi: trombotsitlar ishlab chiqarishni oshiradi, limfotsitlar va hujayralarni ayrim kasalliklardan himoya qilishni rag‘batlantiradi.

Optimizmni oshiradi va miyani qarishdan himoya qiladi: ayniqsa depressiyadan aziyat chekadigan odamlar uchun. Frontiyers in Human Neurosciyence jurnalida chop etilgan tadqiqotga ko‘ra, cholg‘u asbobini chalish qarish bilan bog‘liq aqliy pasayish oqibatlarini kamaytiradi.

Xotirani kuchaytiradi: musiqa tinglash miyaning turli sohalarini faollashtiradi, shuning uchun ma’lumot yaxshiroq qayta ishlanadi. Xelsinki universiteti olimlari tomonidan chop etilgan tadqiqotga ko‘ra, Motsart musiqasi chap va o‘ng miyani faollashtiradi, bu esa o‘rganish va ma’lumotni saqlashni maksimal darajada oshiradi.

Bosh og‘rig‘iga qarshi kurashadi: tasalli beruvchi va stressni yengillashtiradigan ta’siri tufayli musiqa tinglashning yana bir foydasi shundaki, u migren yoki bosh og‘rig‘idan azob chekayotganlarga yordam berishi mumkin.

Qon bosimini pasaytiradi: Yangi Orleandagi Amerika Gipertenziya Jamiyati tadqiqotiga ko‘ra, har kuni 30 daqiqa klassik musiqalarni tinglash yuqori qon bosimini sezilarli darajada kamaytirishi mumkin.