Dori koʼrsatmalarga muvofiq ishlatilmasa, sogʼlikka tuzatib boʼlmaydigan zarar yetkazishi mumkin, deb ogohlantirdi farmakolog Andrey Kondraxin Sputnik radiosiga bergan intervyusida. U dori-darmonlarni koʼrsatmalarga qarshi qabul qilish qaysi hollarda mumkinligiga ham aniqlik kiritdi.

Dori-darmonlarni koʼrsatmalarga muvofiq boʼlmagan (off-leybl) ishlatish faqat tibbiy komissiya tomonidan koʼrsatilganda ruxsat etiladi, deydi Andrey Kondraxin.

"Dori-darmonlarni koʼrsatmalarga muvofiq boʼlmagan tartibda buyurish bu off-label deyiladi. Yaʼni, preparatni ishlab chiqaruvchi moʼljallanganidan boshqa maqsadda qoʼllash. Odatda bu hayotiy dori-darmonlarga taalluqlidir. Bu sasalan, qandaydir oʼsimtalarga yordam beradigan koʼz tomchilari boʼlishi mumkin. Gap shundaki, ishlab chiqaruvchi tomonidan emas, balki ilmiy jamoatchilik tomonidan oʼtkaziladigan klinik tadqiqotlar mavjud. Ular tugagach, ishlab chiqaruvchi dori yangi imkoniyatlarga ega deb koʼrsatmalarga oʼzgartirishlar kiritishi mumkin. Ammo koʼpincha, ishlab chiqaruvchi koʼrsatmalarni oʼzgartirishdan bosh tortadi. Va keyin bu dori tibbiy komissiya tomonidan koʼrsatilgandek qoʼllaniladi ", dedi Andrey Kondrahin.

Baʼzida bolalarni davolashda dorilar off-leybl qoʼllaniladi, bu Rossiya Sogʼliqni saqlash vazirligining tegishli hujjati bilan tartibga solinadi, deb taʼkidladi mutaxassis.

“Bolalar ustida klinik sinovlar oʼtkazish taqiqlangan, ular uchun maxsus shaklda dori-darmonlar kamdan-kam ishlab chiqariladi. Keyin esa dori-darmonlar off-leyblga aylanadi. Buning uchun Sogʼliqni saqlash vazirligi bolalarga yozilishi mumkin boʼlgan dorilar roʼyxatini tasdiqlagan, - deya qoʼshimcha qildi Andrey Kondraxin.

Boshqa barcha holatlarda koʼrsatmalardan tashqari dori vositalarini qoʼllash mumkin emas, dedi u. Masalan, sogʼlom odamning vazn yoʼqotish uchun diabetga qarshi dori-darmonlarni nazoratsiz qoʼllashi jiddiy salbiy oqibatlarga, tanadagi tuzatib boʼlmaydigan "zarar" ga olib kelishi mumkin, dedi shifokor.

"Internet borligi va kimdir nimadir maslahat bergani uchun yoʼruqnomaga amal qilmay doridan foydalanish boshqa voqea. Birinchidan, biz taʼsirga erisha olmaymiz, vaqtni behuda sarflaymiz. Ikkinchidan, biz yanada ogʼirroq boʼlgan taʼsirni olishimiz mumkin, qandaydir tuzatib boʼlmaydigan zarar yetkazilishi mumkin. Axir, dori – bu kimyoviy modda, va u kasallikni toʼxtatish uchun organizmdagi baʼzi kimyoviy jarayonlarga taʼsir qiladi. Shunday dorilarni qabul qilgan odam oʼzini qandaydir yangi patologik holatga olib kelishi mumkinki", deb ogohlantirdi Andrey Kondraxin.