Дори кўрсатмаларга мувофиқ ишлатилмаса, соғликка тузатиб бўлмайдиган зарар етказиши мумкин, деб огоҳлантирди фармаколог Aндрей Кондрахин Спутник радиосига берган интервюсида. У дори-дармонларни кўрсатмаларга қарши қабул қилиш қайси ҳолларда мумкинлигига ҳам аниқлик киритди.

Дори-дармонларни кўрсатмаларга мувофиқ бўлмаган (офф-лейбл) ишлатиш фақат тиббий комиссия томонидан кўрсатилганда рухсат этилади, дейди Aндрей Кондрахин.

"Дори-дармонларни кўрсатмаларга мувофиқ бўлмаган тартибда буюриш бу офф-лабел дейилади. Яъни, препаратни ишлаб чиқарувчи мўлжалланганидан бошқа мақсадда қўллаш. Одатда бу ҳаётий дори-дармонларга тааллуқлидир. Бу сасалан, қандайдир ўсимталарга ёрдам берадиган кўз томчилари бўлиши мумкин. Гап шундаки, ишлаб чиқарувчи томонидан эмас, балки илмий жамоатчилик томонидан ўтказиладиган клиник тадқиқотлар мавжуд. Улар тугагач, ишлаб чиқарувчи дори янги имкониятларга эга деб кўрсатмаларга ўзгартиришлар киритиши мумкин. Aммо кўпинча, ишлаб чиқарувчи кўрсатмаларни ўзгартиришдан бош тортади. Ва кейин бу дори тиббий комиссия томонидан кўрсатилгандек қўлланилади ", деди Aндрей Кондраҳин.

Баъзида болаларни даволашда дорилар офф-лейбл қўлланилади, бу Россия Соғлиқни сақлаш вазирлигининг тегишли ҳужжати билан тартибга солинади, деб таъкидлади мутахассис.

“Болалар устида клиник синовлар ўтказиш тақиқланган, улар учун махсус шаклда дори-дармонлар камдан-кам ишлаб чиқарилади. Кейин эса дори-дармонлар офф-лейблга айланади. Бунинг учун Соғлиқни сақлаш вазирлиги болаларга ёзилиши мумкин бўлган дорилар рўйхатини тасдиқлаган, - дея қўшимча қилди Aндрей Кондрахин.

Бошқа барча ҳолатларда кўрсатмалардан ташқари дори воситаларини қўллаш мумкин эмас, деди у. Масалан, соғлом одамнинг вазн йўқотиш учун диабетга қарши дори-дармонларни назоратсиз қўллаши жиддий салбий оқибатларга, танадаги тузатиб бўлмайдиган "зарар" га олиб келиши мумкин, деди шифокор.

"Интернет борлиги ва кимдир нимадир маслаҳат бергани учун йўруқномага амал қилмай доридан фойдаланиш бошқа воқеа. Биринчидан, биз таъсирга эриша олмаймиз, вақтни беҳуда сарфлаймиз. Иккинчидан, биз янада оғирроқ бўлган таъсирни олишимиз мумкин, қандайдир тузатиб бўлмайдиган зарар етказилиши мумкин. Aхир, дори – бу кимёвий модда, ва у касалликни тўхтатиш учун организмдаги баъзи кимёвий жараёнларга таъсир қилади. Шундай дориларни қабул қилган одам ўзини қандайдир янги патологик ҳолатга олиб келиши мумкинки", деб огоҳлантирди Aндрей Кондрахин.