"Dori-Darmon"  aksiyadorlik kompaniyasining 2024-yil yakunlariga bag‘ishlangan  navbatdagi hay’at yig‘ilishi bo‘lib o‘tdi.

Unda kompaniya Boshqaruv raisi Mirzanozim Mirzabekovich, kuzatuv kengashi raisi Farhod Faradeevich, bo‘lim boshliqlari hamda kompaniya tarkibidagi jamiyatlarning rahbarlari  ishtirok etishdi.

Yig‘ilishda kompaniya tarkibidagi aksiyadorlik va mas’uliyati cheklangan jamiyatlar rahbarlarining 2024-yil yakunlari va 2025-yil uchun biznes loyihalari va kutilayayotgan natijadorlik to‘g‘risidagi hisobotlarii tinglandi.

Xususan, 2024-yil davomida “Farg‘ona Dori-Darmon” aksiyadorlik jamiyatining umumiy tovar aylanmasi 121,6 mlrd.so‘mni, shundan ulgurji tovar aylanmasi 72,6 mrld so‘mni,  chakana tovar aylanmasi 49,0 mlrd so‘mni, “Buxoro Dori-Darmon” MCHJning umumiy tovar aylanmasi 62,7 mlrd.so‘mni, shundan ulgurji tovar aylanmasi 19,0 mrld so‘mni,  chakana tovar aylanmasi 43,7 mlrd so‘mni, “Surxon Dori-Darmon” MCHJning umumiy tovar aylanmasi 35,3 mlrd.so‘mni, shundan ulgurji tovar aylanmasi 22,8 mrld so‘mni,  chakana tovar aylanmasi 12,5 mlrd so‘mni, “Samarqand Dori-Darmon” aksiyadorlik jamiyatining umumiy tovar aylanmasi 32,1 mlrd.so‘mni, shundan ulgurji tovar aylanmasi 14,1 mrld so‘mni,  chakana tovar aylanmasi 18,0 mlrd so‘mni tashkil etgan.

“Dori-Darmon” aksiyadorlik kompaniyasi va uning tarkibidagi jamiyatlar aholini ijtimoiy ahamiyatga ega dori vositalari  bilan ta’minlashda yetakchi o‘rinni egallaydi.  Xususan, 2024-yil davomida “Samarqand Dori-Darmon” tomonidan 5,16 mlrd so‘mlik, “Farg‘ona Dori-Darmon” tomonidan 3,07 mlrd so‘mlik,  “Surxon Dori-Darmon”  tomonidan 2,54 mlrd so‘mlik,  “Buxoro Dori-Darmon” tomonidan 2,15 mlrd  so‘mlik, "Qoraqalpoq Dari-Darmak" tomonidan 1,18 mlrd. so‘mlik dori vositalari ambulatoriya sharoitida davolashda imtiyozga ega bo‘lgan bemorlarga bepul berilgan. 

Yig‘ilish davomida faoliyatida yaxshi natijalarni ko‘rsatib kelayotgan “Farg‘ona Dori-darmon” AJ hamda “Buxoro Dori-darmon” MCHJ rahbarlari jamiyat ish faoliyatini yuritishdagi tajribalari bilan o‘rtoqlashdi.  

Yig‘ilish yakunida kompaniya boshqaruv a’zolari tomonidan jamiyat rahbarlariga qarzdorliklarni barataraf etish borasida bajarilishi zarur bo‘ladigan ishlar yuzasidan tavsiyalar berildi. Savdo xajmini, buning uchun esa dori vositalari assortimentini oshirish, mahalliy va xorijiy ishlab chiqaruvchilar bilan hamkorlik faoliyatini kuchaytirish, ayniqsa bugungi kunda aholi o‘rtasida talab ko‘p bo‘lgan ijtimoiy ahamiyatga ega dori vositalarini olib kelinishi tezlashtirish masalalari hamda faoliyatda duch kelinayotgan muammolar muhokama qilindi. Takliflar o‘rganildi.