Jismoniy mashqlar paytida, keyin esa dam olish vaqtida nafas qisishining paydo boʼlishi, birinchi navbatda, hayot uchun xavfli boʼlgan oʼpka gipertenziyasi kasalligining alomati boʼlishi mumkin. Bu haqda kardiolog Denis Sokolov gapirdi.

Oʼpka gipertenziyasi - bu oʼpka arteriyasidagi bosimning ortib borish kasalligi. Agar vaqtida davolanmasa, u rivojlanib sogʼliq uchun jiddiy xavf tugʼdiradi. Bu holda umr koʼrish davomiyligi 2-2,5 yildan oshmaydi.

Oʼpka gipertenziyasining rivojlanish alomatlari jismoniy mashqlar paytida yoki dam olishda nafas qisilishi, doimiy charchoq hissi, tushunarsiz yoʼtal, bosh aylanishi yoki hushidan ketish boʼlishi mumkin. Keyingi bosqichlarda nafas olish yoʼllaridan qon ketishi, yaʼni qonli yoʼtal paydo boʼladi, oyoqlar shishadi va qorin boʼshligʼida suyuqlik toʼplanadi. Bundan tashqari, kasallik surunkali yurak yetishmovchiligi, oʼpka shishi va trombozga olib kelishi mumkin.

Mutaxassis oʼpka gipertenziyasi erkaklarga qaraganda ayollarda tez-tez uchrashini, koʼpchilik bemorlarda 20 yoshdan 40 yoshgacha kasallik alomatlari paydo boʼlishini qoʼshimcha qildi.

Xavf omillari orasida turli infektsiyalar, yurak kasalliklari, antidepressantlar va ogʼiz kontratseptivlarini qabul qilish kiradi, deydi shifokor.