Kitano tibbiyot tadqiqot instituti va Kioto universiteti olimlari gipodontiya (birdan beshgacha tishlarning tugʼma yoʼqligi) bilan ogʼrigan odamlarning tishlarini oʼstirishga yordam beradigan dori ishlab chiqdi. Ixtironi sinovdan oʼtkazish 2024 yilning kuzidan boshlanadi.

Olimlarning fikricha, preparat tishlarni oʼstirishga yordam beruvchi tish kurtaklariga taʼsir qiladi. Biroq, aksariyat hollarda ular vaqt oʼtishi bilan rivojlanishni toʼxtatadi va tushib qoladi. Ixtiro tish rivojlanishini toʼxtatuvchi USAG-1 oqsilining taʼsirini bostiradi. Shunday qilib, singan yoki tushgan tishlarni oʼstiradi.

Birinchi sinov davomida ekspertlar kamida bitta ildiz tishi yoʼqolgan 30 nafar erkakda preparatni tomir ichiga yuborish orqali sinovdan oʼtkazishadi. Ularning yoshi 30 yoshdan 64 yoshgacha boʼladi. Ikkinchi bosqichda ular preparatni tugʼma tishlari yoʼq boʼlgan bemorlarda sinab koʼrishadi. Mutaxassislar 6 yildan keyin dori vositasidan foydalanishni boshlashni rejalashtirmoqda. Olimlarning fikricha, kelajakda preparat karies tufayli tishlarini yoʼqotgan odamlarning tishlarini oʼstirishga ham yordam beradi, deb yozadi The Mainichi Shimbun.