Китано тиббиёт тадқиқот институти ва Киото университети олимлари гиподонтия (бирдан бешгача тишларнинг туғма йўқлиги) билан оғриган одамларнинг тишларини ўстиришга ёрдам берадиган дори ишлаб чиқди. Ихтирони синовдан ўтказиш 2024 йилнинг кузидан бошланади.

Олимларнинг фикрича, препарат тишларни ўстиришга ёрдам берувчи тиш куртакларига таъсир қилади. Бироқ, аксарият ҳолларда улар вақт ўтиши билан ривожланишни тўхтатади ва тушиб қолади. Ихтиро тиш ривожланишини тўхтатувчи USAG-1 оқсилининг таъсирини бостиради. Шундай қилиб, синган ёки тушган тишларни ўстиради.

Биринчи синов давомида экспертлар камида битта илдиз тиши йўқолган 30 нафар эркакда препаратни томир ичига юбориш орқали синовдан ўтказишади. Уларнинг ёши 30 ёшдан 64 ёшгача бўлади. Иккинчи босқичда улар препаратни туғма тишлари йўқ бўлган беморларда синаб кўришади. Мутахассислар 6 йилдан кейин дори воситасидан фойдаланишни бошлашни режалаштирмоқда. Олимларнинг фикрича, келажакда препарат кариес туфайли тишларини йўқотган одамларнинг тишларини ўстиришга ҳам ёрдам беради, деб ёзади The Mainichi Shimbun.