HeadHunter foydalanuvchilari oʼrtasida oʼtkazilgan soʼrov natijalariga koʼra, Oʼzbekistonda kelasi yilga qadar ishchilarning 51 foizi ish haqini oshirishni soʼrashni rejalashtirmoqda.

Аksariyat hollarda (61%) xodimlar ish haqini oshirish haqidagi iltimoslarini ishdagi yutuqlari bilan oqlaydilar. Shuningdek, respondentlarning 42 foizi bozordagi boshqa kompaniyalarning takliflarini tahlil qilgandan keyin, 21 foizi hamkasblarining maoshlarini solishtirgandan soʼng oshirishni xohlaydi.

Xodimlarning qariyb 34 foizi 2023 yil oxirigacha ish beruvchi bilan ish haqini oshirish haqida suhbat qurishni rejalashtirmoqda, taxminan 31 foizi bu suhbatni 2024 yil boshiga qoldirmoqda.

Javoblarga koʼra, kompaniyadagi respondentlarning 43 foizida rahbariyat muntazam ravishda ish haqini indeksatsiya qiladi. Koʼpincha u yiliga bir marta (72%) amalga oshiriladi.