Neuro-Innovators (AQSh) biotexnologiya tadqiqotchilari Spolding reabilitatsiya kasalxonasi bilan hamkorlikda insultga qarshi terapiya uchun yangi dorilar kombinatsiyasini ishlab chiqdilar. Bu haqda MedicalXpress maʼlum qildi.

Neuro-Innovators NIV-001 terapiyasi miyadagi qon tomirlarining yorilishi yoki bloklanishi natijasida insultga uchragan bemorlarda yoʼqolgan funktsiyani yaxshilash va tiklashga qaratilgan.

Oziq-ovqat va farmatsevtika idorasi (FDA) tomonidan tasdiqlangan uchta dori kombinatsiyasi insultdan keyin turli xil harakat buzilishi boʼlgan 40 bemorga kuniga bir tabletkadan beriladi. Bemorlar dorilarni standart reabilitatsiya protokollaridan oʼtayotganda qabul qilishadi.

Terapiyaga kiritilgan dorilar miyaning neyrooplastikligini oshirish va jarohatlardan keyin davolanishni tezlashtirish uchun moʼljallangan. Kombinatsiya dastlabki sinovlarda yuqori samaradorlikni koʼrsatdi va bemorlarning hayot sifatini sezilarli darajada yaxshilash potentsialiga ega.

Kaliforniyada joylashgan Insultdan xabardorlik jamgʼarmasi maʼlumotlariga koʼra, birgina Qoʼshma Shtatlarda har yili 750 000 ga yaqin odam insulьtdan aziyat chekadi va 7 milliondan ortiq insultni boshdan oʼtkazganlarning uchdan ikki qismi nogiron boʼlib qolmoqda.