• Men shifokor buyurganidek, bir kurs antibiotik qabul qildim, ammo hech qancha oʼtmay yana kasal boʼlib qoldim. Nima qilishim kerak?

- Agar infektsiya qaytgan boʼlsa, bu yaxshi belgi emas. Ehtimol, bakteriyalar antibiotik dorilarga moslashgan yoki immunitet zaiflashishi fonida baʼzi yangi bakterial kasalliklar yuqish ehtimoli ham mavjud. Bunday holatda shifokor bilan maslahatlashishingiz kerak. U davolash kursini koʼrib chiqadi va ehtimol boshqa antibiotikni buyuradi.

• Agar tez-tez atibiotik qabul qilinsa, u taʼsir qilmay qolishi mumkinmi?

- Аlbatta mumkin. Mikroblarning antibiotiklarga chidamliligi inson salomatligi uchun jiddiy tahdidlardan biri hisoblanadi. Mikroorganizmlar mutatsiyaga uchraydi, dorilarga moslashadi. Bu juda xavfli. Masalan, har yili 250 000 ga yaqin odam antibiotiklarga chidamli sil kasalligidan vafot etadi.

•  Yiliga necha marta antibiotik qabul qilish organizmga zarar qilmaydi?

- Antibiotiklar vitaminlar emas. Аntibiotiklar faqat shifokor buyurganida, belgilangan vaqt oraligʼida va tartibda qabul qilinishi kerak. Terapevt bakterial infektsiyada antibiotiklarni oʼtgan vaqt davomida necha marta qabul qilganingizdan qatʼi nazar buyuradi.