Boston Consulting Group (BCG) tadqiqot maqolasiga koʼra, texnologik yutuqlar kelgusi oʼn yil ichida biofarmatsevtika sanoati uchun oʼsishning asosiy omili boʼladi.

2023 yilda eng koʼp sotiladigan oltita biofarmatsevtikadan toʼrttasi yangi usullarga asoslangan. Va 2027 yilga kelib, tahlilchilarning fikriga koʼra, yangi davolash shakllari pul koʼrinishida bozorning 58 foizini egallaydi.

BCG mutaxassislarining taʼkidlashicha, biofarmatsevtik inqilob hozirda saraton va boshqa jiddiy kasalliklarni davolashda yuz bermoqda. 18 ta yangi davolash usuli ishlab chiqildi, ularni olti toifaga boʼlish mumkin. Bularga vaqt sinovidan oʼtgan, anʼanaviy past molekulyar terapiya, monoklonal antitelalar, oqsillar hamda peptidlar taʼsiriga asoslangan nisbatan yangi ishlanmalar shuningdek, RNK preparatlari, ogʼir kasalliklarning gen va hujayra terapiyasi hamda onkolitik viruslarlar sohasidagi soʼnggi tadqiqotlar kiradi.

Hozirgi ishlanmalarning aksariyati klinik foydalanish uchun tasdiqlashga yaqin. Boshqalari allaqachon bozorda anʼanaviy dorilar bilan raqobatlashmoqda. Bundan tashqari, yangi davolash usullari ilmiy-tadqiqot ishlarining moliyaviy resurslari va kompaniyalarning keyingi tijorat sotuvining muhim ulushini tezlik bilan egallab bormoqda. Shunday qilib, Boston Consulting Group maʼlumotlariga koʼra, dori vositalarining "yangi shakllari"ning yillik savdosi (mRNKdan tashqari) allaqachon 20 milliard dollarga yetadi. Oʼz portfelidagi ana shunday dori vositalari tufayli biofarmatsevtika kompaniyalarining bozordagi umumiy qiymati 300 milliard dollardan oshib ketgan.

Mavzuga ilmiy jamoatchilik va investorlar orasida qiziqish ham katta: birgina 2021 yilning oʼzida davolashning yangi usullari boʼyicha 100 mingga yaqin ilmiy maqolalar chop etilgan, ishlanmalar 150 milliard dollarga yaqin investitsiyalarni jalb qilgan. Davolashning yangi mexanizmlari sohasida tadqiqot faoliyati markazlari AQSh va Yevropa hisoblanadi. Xitoy ham ushbu poygada mamlakatda jadal rivojlanayotgan biofarmatsevtika sektori tufayli faol ishtirok etmoqda.