Odatda, allergiyaga qarshi dorilarga talab mart oyidan boshlanadi va aprel-may oylarida yuqori cho‘qqisiga yetadi. Yandeks qidiruvida allergiyaga qarshi dori-darmonlarga oid so‘rovlar soni har yili o‘rtacha 13% ga oshadi.

Yandeks so‘roviga ko‘ra, allergiya bilan og‘rigan bemorlarning 43 foizi har doim dori qutisida kerakli dorilar bo‘lishini nazorat qiladi. Xuddi shuncha inson allergiya alomatlari paydo bo‘lgandan keyin dori vositasini xarid qiladi. 14% esa surunkali kasallik sabab dori vositalarini muntazam sotib oladi.

Respondentlarning 46 foizi xariddan avval shifokorning retseptini olishadi, 32 foizi qidiruv tizimlaridan, 29 foizi esa dorixonalar saytidan dorilar haqida ma’lumot izlaydi.

Shu bilan birga, deyarli yarmi (48%) sotib oladigan dori vositasining reklamalarini ko‘rib chiqadi. Reklamalarda respodentlarning 61 foizi dorilarning xususiyatlariga, 54 foizi narxiga, 45 foizi tarkibiga, 23 foizi brendiga, 22 foizi chiqarilish shakliga, 20 foizi onlayn buyurtma berish imkoniyatiga e’tibor beradi.

Ishtirokchilarning deyarli yarmi (48%) allergiyaga qarshi dori-darmonlarni onlayn xarid qiladi. Buning uchun 26% onlayn dorixonalardan 16% esa tarmoqli dorixonalar veb-saytlaridan foydalanadi.

So‘rovnoma natijalariga ko‘ra, allergiyaga qarshi dori-darmonlarni doimiy ravishda sotib oluvchilarning har 10 tadan 8 tasi ko‘pincha bir xil dori vositalaridan foydalanadi. Biroq, ularning yarmi dorini boshqasiga almashtirishga tayyor yoki allaqachon analogiga o‘tishgan. Allergiyaga qarshi vositalar haqida gap ketganda, foydalanuvchilar ko‘pincha darhol sotib olish to‘g‘risida qaror qabul qilishadi. Agar dori kerakli dorixonada bo‘lmasa, 64% uni boshqa qayerdan sotib olish mumkinligini qidiradi va 35% darhol analogga o‘tadi. Birinchi qidiruvdan boshlab yangi dori sotib olishgacha bo‘lgan o‘rtacha vaqt 1 kun. Foydalanuvchilarning 25 foizi esa qidiruvni boshlaganidan keyin 14 daqiqa ichida buyurtma berishadi.

Yandeks onlayn so‘rovida 18-64 yosh oralig‘idagi 2900 nafardan ortiq internet foydalanuvchilari ishtirok etgan.