Bosh prokuratura huzuridagi Departamentning Denov tumani bo‘limi tomonidan o‘tkazilgan tezkor tadbirda “J.M.” xususiy korxonasiga qarashli dorixona ko‘zdan kechirilganda dorixona sotuvchisi X.J. umumiy bahosi 131,9 mln so‘mlik kirim hujjatlari bo‘lmagan 40 turdagi va 50 dona inson ruhiyatiga kuchli ta’sir qiluvchi “Benzonal” nomli dori vositasini sotuvga qo‘yganligi aniqlanib, ushbu mahsulotlar ashyoviy dalil sifatida olingan.

Shu kabi, Departamentining Yozyovon tumani bo‘limi tomonidan o‘tkazilgan tezkor tadbirda “E.” xususiy korxonasiga qarashli dorixona mudiri M.K. fuqaro A.A.ga 250 dona “Benzonal” nomli kuchli ta’sir qiluvchi dori vositasini shifokor retseptisiz sotgan vaqtida ushlanib, ushbu dorixonadan turli nomdagi jami 3 152 dona kirim hujjatlari bo‘lmagan dori vositalari ashyoviy dalil sifatida olingan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.