Garvard universiteti va Gonkong universiteti olimlaridan iborat xalqaro guruh dori vositalarining eruvchanligini sezilarli darajada yaxshilaydigan ilg‘or texnologiyani taqdim etdi.

Potensial dori vositalarining 60% dan ortig‘i past eruvchan bu ularning samaradorligi va biologik ta’sirini cheklaydi. Zarrachalar hajmini kamaytirish yoki lipid tizimlaridan foydalanish kabi yeruvchanlikni oshirishning an’anaviy usullari ko‘pincha qimmat va barqaror yemas.

Yangi tadqiqotda jamoa silanol guruhlarining o‘ta yuqori zichligi (20 OH/nm2) bo‘lgan kremniy nano-yuzalarni yaratdi. Bu yuzalar quruq sharoitda dori molekulalarini adsorbsiyalashga qodir.

Suv bilan aloqaga kirishganda, suv molekulalari yuqori bog‘lanish yaqinligi tufayli dorilarni siqib chiqaradi; bu yesa dori vositalarining tez ajralib chiqishi va yerishiga olib keladi. Sinovlar shuni ko‘rsatdiki, yangi texnologiya ibuprofenning chiqarilishini bir soat ichida 90% gacha oshirdi, kristalli shaklda yesa olti soat ichida 20% dan kamroq. Bundan tashqari, usul 15 ta yomon yeriydigan dori vositalarining, shu jumladan ketoprofen va dosetakselning yeruvchanligini 10-2000 marta oshirdi.

Tadqiqotchilarning ta’kidlashicha, agar texnologiya klinik sinovlardan o‘sa, u dori vositalarini ishlab chiqish xarajatlarini sezilarli darajada kamaytirishi, talab qilinadigan dozani kamaytirishi va bemorlar uchun dorilardan foydalanish imkoniyatini yaxshilashi mumkin.