Vaterloо universiteti olimlari qon bosimini nazorat qilish uchun ratsionga kaliy miqdori yuqori bo‘lgan mahsulotlarni qo‘shish muhimligini tasdiqladi.

Tadqiqot natijalari American Journal of Physiology jurnalida chop etilgan.

Tadqiqotchilarning aniqlashicha, natriyning ortiqcha miqdori - masalan, fastfud, kolbasa, sho‘r gazaklar va yarim tayyor mahsulotlarda - ayniqsa erkaklarda qon bosimini oshiradi. Ayollarga, buyraklar va tomirlar samaraliroq ishlaganligi sababli, bu uncha ta’sir ko‘rsatmaydi. Biroq, ikkala jinsda ham ratsionga kaliyni qo‘shish ko‘p tuz iste’mol qilganda ham bosimni kamaytirishga yordam beradi.

Kaliyga boy mahsulotlarga banan, ismaloq, brokkoli, shirin kartoshka, avokado, loviya va yasmiq kiradi. Mualliflarning so‘zlariga ko‘ra, aynan shunday ovqatlanish elektrolitlar muvozanatini saqlashga yordam beradi, yurakka tushadigan yukni  va gipertoniya xavfini kamaytiradi.

Tadqiqotchilarning ta’kidlashicha: nafaqat zararli narsalarni kamaytirish, balki ongli ravishda foydali narsalarni qo‘shish ham muhimdir. Kaliy miqdori yetarli bo‘lgan muvozanatli ovqatlanish yurak-qon tomir kasalliklarining oldini olishning oddiy va samarali usuli bo‘lishi mumkin.