2023-yilda 670 mingdan ortiq materiallar, saytlar va qonun bilan taqiqlangan maʼlumotlarga ega alohida sahifalari oʼchirildi yoki bloklandi, deb xabar qildi Roskomnadzor matbuot xizmati.

Agentlikning taʼkidlashicha, 2022-yilda dori vositalarining noqonuniy savdosi haqidagi maʼlumotlarga ega materiallar soni 21,8 mingtani, 2023-yilda esa 35,3 mingtani tashkil qilgan.

“2023-yilda Roskomnadzor tegishli idoralar bilan birgalikda qonun bilan taqiqlangan maʼlumotlarga ega 670 mingta material, sayt va ularning alohida sahifalarini blokladi yoki oʼchirib tashladi”, — deyiladi xabarda.

Bloklangan resurslar soni yil sayin ortib bormoqda. Bloklangan resurslar soni yil sayin ortib bormoqda. 2020 yilda 6500 ta, 2021 yilda 12 mingta, 2020 yilda 20,5 mingta sayt bloklangan. 2023 yilning dastlabki 2 oyida nazorat organlari tomonidan 4800 ta sayt yopilgan. 

73% holatlarda Rossiyada roʼyxatdan oʼtmagan dori vositalarini sotishni taklif qiluvchi saytlar bloklangan. Yana 13 foizi retsept boʼyicha beriladigan dori-darmonlarni, shu jumladan psixoaktiv dorilarni sotgan. Boshqa holatlarda, giyohvandlik va psixotrop vositalarni onlayn sotish haqida gap ketgan.

Internetda ruxsatsiz savdo qilganlik uchun jismoniy shaxslar 200 000 rublgacha jarimaga tortilishi mumkin, yuridik shaxslar uchun - 6 million rublgacha. Giyohvand moddalar ikki yoki undan ortiq odamning oʼlimiga sabab boʼlsa, javobgarlik yanada ortadi, sotuvchiga 12 yilgacha qamoq jazosi berilishi mumkin.