Xitoylik virusologlar COVID-19 kabi odamlarga yuqishi mumkin bo‘lgan yangi ko‘rshapalak koronavirusini aniqladi. Bu haqda South China Morning Post xabar bermoqda.

Nashrning qayd etishicha, ushbu virus HKU5 koronavirusining yangi liniyasi bo‘lib, u ilk bor Gonkongda aniqlangan.

Nashrning ta’kidlashicha, Xitoy Fanlar akademiyasining Guanchjoudagi bo‘limi, Uxan universiteti va Uxan virusologiya instituti mutaxassislari Guanchjou laboratoriyasida tadqiqot o‘tkazgan.

Virusologlarning ta’kidlashicha, ko‘rshapalak namunalaridan ajratib olingan yangi virus odam hujayralarini zararlashi mumkin.

Olimlarning ta’kidlashicha, hozircha vahimaga o‘rin yo‘q. Odamlar orasida HKU5-CoV-2 paydo bo‘lish xavfi vahimasini oshirib yubormaslik kerak, lekin yanada chuqurroq tadqiqot o‘tkazish talab etiladi.

Avvalroq Jahon sog‘liqni saqlash tashkiloti (JSST) hisobotida SARS-CoV2 koronavirusining odamlar va hayvonlar orasida tarqalishi yangi xavfli viruslarning paydo bo‘lishi bilan tahdid solayotgani haqida xabar berilgan edi. JSST hozirgi vaqtda SARS-CoV-2 ga qarshi jamoaviy immunitet sezilarli darajada oshganini ta’kidladi. Biroq, uning aylanishi sezilarli darajada davom etmoqda.