Хитойлик вирусологлар CОВИД-19 каби одамларга юқиши мумкин бўлган янги кўршапалак коронавирусини аниқлади. Бу ҳақда South China Morning Post хабар бермоқда.

Нашрнинг қайд этишича, ушбу вирус HKU5 коронавирусининг янги линияси бўлиб, у илк бор Гонконгда аниқланган.

Нашрнинг таъкидлашича, Хитой Фанлар академиясининг Гуанчжоудаги бўлими, Ухан университети ва Ухан вирусология институти мутахассислари Гуанчжоу лабораториясида тадқиқот ўтказган.

Вирусологларнинг таъкидлашича, кўршапалак намуналаридан ажратиб олинган янги вирус одам ҳужайраларини зарарлаши мумкин.

Олимларнинг таъкидлашича, ҳозирча ваҳимага ўрин йўқ. Одамлар орасида HKU5-CоV-2 пайдо бўлиш хавфи ваҳимасини ошириб юбормаслик керак, лекин янада чуқурроқ тадқиқот ўтказиш талаб этилади.

Aввалроқ Жаҳон соғлиқни сақлаш ташкилоти (ЖССТ) ҳисоботида SARS-CоV2 коронавирусининг одамлар ва ҳайвонлар орасида тарқалиши янги хавфли вирусларнинг пайдо бўлиши билан таҳдид солаётгани ҳақида хабар берилган эди. ЖССТ ҳозирги вақтда SARS-CоV-2 га қарши жамоавий иммунитет сезиларли даражада ошганини таъкидлади. Бироқ, унинг айланиши сезиларли даражада давом этмоқда.