Markaziy bank boshqaruvining “Markaziy bankning banklararo toʼlov tizimi orqali elektron toʼlovlarni amalga oshirish tartibi toʼgʼrisidagi nizomga oʼzgartirish va qoʼshimchalar kiritish haqida”gi qarori Аdliya vazirligi tomonidan 2023 yil 16 fevralda 1545-5-son bilan davlat roʼyxatidan oʼtkazildi.

Mazkur oʼzgartirish va qoʼshimchalar bilan:

▪️Filialga ega boʼlmagan bank yoki bank filialini banklararo toʼlov tizimiga ulash uchun belgilangan qoidalar amaldagi qonunchilik talablariga muvofiqlashtirildi;
▪️banklarning vakillik hisobvaragʼida yetarli mablagʼlar mavjud boʼlmagan taqdirda, kliring orqali ishlovchi toʼlov tizimlaridan olingan banklar oʼrtasidagi yakuniy hisob-kitobga oid maʼlumotlar asosida amalga oshirilgan toʼlovlar boʼyicha mablagʼlar overdraft sifatida aks ettirilishi belgilandi;
▪️vakillik hisobvaragʼida overdraft yuzaga kelgan bankning Markaziy bank hisob-kitoblar kliring tizimi va Tezkor toʼlovlar tizimi orqali operatsiyalari vakillik hisobvaragʼida ijobiy qoldiq shakllangunga qadar toʼxtatilishi qayd etib oʼtildi;

Shuningdek, nizomning ayrim bandlaridagi normalar amaldagi qonunchilik hujjatlariga muvofiqlashtirildi.