Kletchatka - bu o‘simlik mahsulotlarida mavjud bo‘lgan murakkab uglevodlarning bir turi. Kletchatka – bizning tanamizdagi ko‘pchilik a’zolarning to‘g‘ri faoliyat ko‘rsatishini ta’minlaydigan muhim modda hisoblanadi.

O‘simliklardan tayyorlangan oziq-ovqatlar tarkibidagi ozuqa tolalari inson organizmi faoliyatida muhim rol o‘ynaydi:

✅ Ichaklar salomatligida.

• Kletchatka ichak faoliyatini yaxshilaydi, ich qotishining oldini olishga yordam beradi va mikrofloraning muvozanatini saqlaydi.

Tadqiqotlar shuni ko‘rsatadiki, kuniga taxminan 30 gramm tola iste’mol qiladigan odamlar oshqozon-ichak muammolarini boshdan kechirish ehtimoli kamroq bo‘ladi.

✅ Surunkali kasalliklar xavfini kamaytiradi. Kuniga 30 gramm tola:

• yurak-qon tomir kasalliklari xavfini kamaytiradi (24-30% ga),

• qondagi qand miqdorini normallashtirish orqali 2-toifa diabet xavfini kamaytiradi;

• Saratonning ayrim turlaridan himoya qiladi (masalan, yo‘g‘on ichak saratoni).

✅ Vazn yo‘qotish va metabolizmni yaxshilashda.

30 gramm kletchatka ishtahani nazorat qilib, to‘yish hissini ta’minlaydi va shu orqali vazn yo‘qotishga yordam beradi. Shuningdek, shakarning so‘rilishini sekinlashtiradi, bu esa glyukoza darajasini barqarorlashtiradi.

✅ Yallig‘lanishning oldini oladi.

Yuqori kletchatkali diyetalar organizmdagi tizimli yallig‘lanishni kamaytiradi, bu esa surunkali kasalliklar xavfini oldini oladi. Shu bilan birga organizmning qarish jarayonini sekinlashtiradi.

Bir inson kuniga o‘rtacha atigi 15-18 g kletchatka iste’mol qiladi, bu normadan deyarli 2 baravar kam. Minimal 30 g.ga erishish uchun ratsionga nafaqat sabzavotlarni, balki rezavorlar, dukkaklilar, donli mahsulotlarni ham kiritish muhimdir.