Global bolalarni emlash qamrovi toʼxtab qoldi va hali ham COVID-19dan oldingi darajadan past. Bu masala yuzasidan xavotirlar Jahon sogʼliqni saqlash tashkiloti (JSST) va Birlashgan Millatlar Tashkilotining Bolalar jamgʼarmasi ((YUNISEF) qoʼshma hisobotida bildirilgan.

2023-yilda 2019-yilga nisbatan 2,7 millionga yaqin bola toʼliq emlanmagan yoki kam emlangan. Xususan, bir martalik vaktsina olmagan bolalar soni 2022-yildagi 13,9 milliondan 2023-yilda 14,5 millionga yetdi.

Yevropa mintaqasi ham emlash muammolariga duch keldi. 2023 yilda JSSTning yevropa mintaqasidagi 500 000 nafar bola hayotining birinchi yilida bir yoki bir nechta difteriya, qoqshol va koʼkyoʼtalga qarshi vaktsinani olmagan. Shu bilan birga, 9 milliondan ortiq bola toʼliq emlandi. Qizamiqga qarshi vaktsina (MCV1)ning birinchi dozasi bilan qamrov 1% dan 95% gacha oshdi, lekin ikkinchi doza (MCV2) bilan qamrab olish 91% da qoldi.

Hisobotda qayd etilishicha, emlashning kamligi qizamiq kabi kasalliklarning tarqalishiga olib keladi. 2023 yilda qizamiqga qarshi vaktsinaning birinchi dozasi bilan global qamrov atigi 83 foizni tashkil etdi, bu epidemiyaning oldini olish uchun zarur boʼlgan 95 foizdan ancha past. Yevropa mintaqasida inson papillomavirusi (HPV) vaktsinasini qamrab olish ham muammoli boʼlib qolmoqda, ammo poliomielit va pnevmokokk kabi boshqa vaktsinalarni qamrab olishda yaxshilanishlar kuzatilmoqda.

-Bolalarni emlash - bu hal qilinadigan muammo – dedi JSST bosh direktori Tedros Аdanom Gebreyesus- JSST barcha mamlakatlarga hamkorlarimiz bilan ushbu boʼshliqlarni bartaraf etish va imkon qadar tezroq xavf ostida boʼlgan bolalarni himoya qilishda yordam berishga tayyor.