Глобал болаларни эмлаш қамрови тўхтаб қолди ва ҳали ҳам COVID-19дан олдинги даражадан паст. Бу масала юзасидан хавотирлар Жаҳон соғлиқни сақлаш ташкилоти (ЖССТ) ва Бирлашган Миллатлар Ташкилотининг Болалар жамғармаси ((YUNISEF) қўшма ҳисоботида билдирилган.

2023-йилда 2019-йилга нисбатан 2,7 миллионга яқин бола тўлиқ эмланмаган ёки кам эмланган. Хусусан, бир марталик вакцина олмаган болалар сони 2022-йилдаги 13,9 миллиондан 2023-йилда 14,5 миллионга етди.

Европа минтақаси ҳам эмлаш муаммоларига дуч келди. 2023 йилда ЖССТнинг европа минтақасидаги 500 000 нафар бола ҳаётининг биринчи йилида бир ёки бир нечта дифтерия, қоқшол ва кўкйўталга қарши вакцинани олмаган. Шу билан бирга, 9 миллиондан ортиқ бола тўлиқ эмланди. Қизамиқга қарши вакцина (MCV1)нинг биринчи дозаси билан қамров 1% дан 95% гача ошди, лекин иккинчи доза (MCV2) билан қамраб олиш 91% да қолди.

Ҳисоботда қайд этилишича, эмлашнинг камлиги қизамиқ каби касалликларнинг тарқалишига олиб келади. 2023 йилда қизамиқга қарши вакцинанинг биринчи дозаси билан глобал қамров атиги 83 фоизни ташкил этди, бу эпидемиянинг олдини олиш учун зарур бўлган 95 фоиздан анча паст. Европа минтақасида инсон папилломавируси (HPV) вакцинасини қамраб олиш ҳам муаммоли бўлиб қолмоқда, аммо полиомиелит ва пневмококк каби бошқа вакциналарни қамраб олишда яхшиланишлар кузатилмоқда.

-Болаларни эмлаш - бу ҳал қилинадиган муаммо – деди ЖССТ бош директори Тедрос Аданом Гебрейесус- ЖССТ барча мамлакатларга ҳамкорларимиз билан ушбу бўшлиқларни бартараф этиш ва имкон қадар тезроқ хавф остида бўлган болаларни ҳимоя қилишда ёрдам беришга тайёр.