Rossiyaning eng yirik Wildberries onlayn savdo platformasi jamoasi biologik faol qoʼshimchalar (BFQ)ni va vitamin komplekslarini sotish qoidalarini kuchaytirdi. Sotuvchilardan davlat roʼyxatidan oʼtkazilganligi toʼgʼrisidagi guvohnomaning haqiqiyligini tasdiqlashni talab qila boshladilar.

Ilgari sayt qoidalari sotuvchiga biologik faol qoʼshimchalarini davlat roʼyxatidan oʼtkazilganligi toʼgʼrisidagi guvohnomani taqdim etishga ruxsat bergan. Endi sertifikatning haqiqiyligini onlayn tasdiqlash kerak boʼladi.

Matbuot xizmatining xabar berishicha, 2022 yilning noyabrь oyidan buyon Wildberries ushbu mahsulotlar sifatini tasdiqlovchi tegishli hujjatlarni taqdim etmagan sotuvchilarning 65000 dan ortiq biologik faol qoʼshimchalar va vitamin komplekslari takliflarini saytga joylashtirishdan bosh tortgan. Hozir Wildberriesda onlayn tekshiruvdan oʼtgan 70 mingga yaqin vitamin komplekslari va biologik faol qoʼshimchalari mavjud.

Wildberries isteʼmolchilar uchun onlayn xaridlar nafaqat foydali, balki butunlay xavfsiz boʼlishini xohlashini, shuning uchun hamkorlar koʼmagida yangi IT-echimlari ishlab chiqish va tatbiq qilishda davom etishini taʼkidladi.