Тафтс университети олимларининг фикрича, иккита Aфрика давлати, Эфиопия ва Нигерия ширин ичимликлар истеъмоли бўйича етакчилар бўлган AҚШ ва Мексика сафига қўшилди. 

Халқаро олимлар гуруҳи 1990 йилдан бери газланган ва шакарли ичимликлар истеъмоли 16 фоизга ошганини, Aфриканинг баъзи қисмларида истеъмол қилинадиган шакарли ичимликлар ҳажми қарийб икки баробарга ошганини аниқлади. Бу ҳақда Aмерика Тафтс университети матбуот хизмати хабар берди. Тадқиқот Nature Communications журналида чоп этилди. 

"Сўнгги ўн йилликларда шакарли ичимликлар истеъмоли уларнинг истеъмолчиларга қизиқишини камайтиришга қаратилган саъй-ҳаракатларга қарамай сезиларли даражада ошди, баъзи аҳоли бу тенденцияга айниқса заиф еканлигини исботланди. Бизнинг топилмаларимиз миллий ва глобал миқёсда янада самаралироқ йўл топишга йордам беради деб умид қиламиз. ", деди Тафтс университети профессори Дариуш Мозаффарян. 

Профессор Мозаффарян ва унинг ҳамкасблари Глобал парҳез маълумотлар базаси лойиҳаси доирасида тўпланган маълумотларни ўрганиб чиқдилар. Бу маълумотлар базаси 1990-йилдан то ҳозирги кунгача БМТга аъзо 185 та давлатда ўтказилган барча асосий парҳез тадқиқотлари босқичма-босқич тўпланиб, қайта ишланади. 

Тадқиқотчилар ушбу маълумотлар тўпламидан шакарли ичимликлар истеъмол қилиш одатлари 1990 ва 2018 йиллар оралиғида глобал ва минтақавий даражада қандай ўзгарганини ўрганиш учун фойдаланган. Aниқланишича, жаҳон миқёсида истеъмол қилинадиган шакарли ичимликларнинг ўртача ҳажми 2018 йилда 1990 йилга нисбатан 16 фоизга ошган, бироқ ўсиш мамлакатлар ва минтақалар бўйича нотекис бўлган.