Колорадо университети олимлари уй шароитида бачадон бўйни саратони диагностикасини ўтказиш имконини берувчи Teal Wand номли қурилмани ишлаб чиқди.

2025 йил май ойида ФДA маъқуллаган тизим профессионал тиббий муолажалар билан солиштириштирганда 96% гача аниқликни таъминлайди.

Нуфузли JAMA журналида чоп этилган тадқиқот натижалари шуни кўрсатдики, янги усул кўпчилик аёллар учун қулай ва мақбулдир. Тадқиқотда 600 нафар бемор иштирок этди ва уларнинг 86 фоизи ушбу қурилма туфайли тез-тез текширувдан ўтишга тайёрлигини билдирди. Респондентларнинг 90% дан ортиғи гинеколог томонидан анъанавий текширувдан кўра уйда тест ўтказиш анча қулай эканлигини айтди.

Тадқиқотчилар бачадон бўйни саратонига эрта ташхис қўйиш касалликнинг деярли 100% олдини олишини таъкидлади. Янги технология қўрқув, молиявий қийинчиликлар ёки вақт етишмаслиги туфайли текширувчи ортга суриш муаммосини ҳал қилишга ёрдам беради.

Кеч ташхис қўйиш муаммоси айниқса долзарб - касалликнинг тахминан 50% ҳолатлари сўнгги беш йил ичида скрининг текширувидан ўтмаган аёлларда аниқланади. Янги тест эрта ташхисни ва ушбу муаммони ҳал қилиш учун мўлжалланган.

Янги тестнинг клиник синовлари 16 та тиббиёт муассасаларида ўтказилди. Маълум бўлишича, ишлаб чиқилган усул 96% ҳолларда саратондан олдинги ўзгаришларни аниқлаш имконини беради. Бу эса касалликни энг эрта - даволаш мумкин бўлган босқичларда аниқлаш имкониятини ҳам кўрсатди.

Ушбу ихтирони жорий этиш касалликни аниқлашни сезиларли даражада ошириши ва бунинг натижасида саратоннинг ушбу туридан ўлимни камайтириши мумкин.