Улар тўғри тайинланган ва инфекция бактериал бўлса ҳам.

Йўтал - aнтибиотикларни буюришнинг умумий сабаби, айниқса нафас йўлларида инфекциянинг бактериал эканлиги аниқ бўлса. Aммо, Жоржтаун университети тиббиёт факультети олимлари томонидан ўтказилган тадқиқот шуни кўрсатадики, антибиотиклар йўталнинг давомийлигига таъсир қилмаслиги мумкин.

Йўтални келтириб чиқарадиган нафас йўлларининг инфекциялари охир-оқибат жуда хавфли оқибатларга олиб келиши мумкин - ҳар ҳолда, барча йўталларнинг 3-5 фоизи пневмонияга олиб келади, дейди тадқиқотнинг етакчи муаллифи Ден Меренштейн.

“Ҳамма ҳам шифокорга биринчи бор ташриф буюрганида рентгенограммага кириш имконига эга эмас ва бу шифокорга бактериал инфекциянинг бошқа таҳлилларсиз доимий йўтал туфайли антибиотикларни буюришига олиб келиши мумкин,- тушунтиради Меренштейн. - Aфсуски, бу беморларга антибиотиклар, биринчидан, албатта буюрилади, иккинчидан, йўтал синдромига таъсир қилади деган умидни келтириб чиқаради."

Aнтибиотиклар йўталга қарши қандай таъсир қилишини билиш учун, тадқиқотчилар пастки нафас йўлларининг инфекциялари бўлган одамларни антибиотиклардан фойдаланишини кузатдилар. 29% одамлар шифокорга ташриф буюрганларидан кейин антибиотик терапиясини бошладилар, аммо дорилар йўталга таъсир қилмади - акнтибиотик рецептини олмаганларга нисбатан. Иккала гуруҳдаги одамлар ҳам антибиотикни қабул қилган ёки олмаганлигидан қатъи назар, инфекцияни енгиш учун бир хил вақтни олишди - ўртача 17 кун.

Тадқиқотчиларнинг таъкидлашича, антибиотикларни ҳаддан ташқари қабул қилиш хавфли бактерияларнинг дориларга чидамли бўлиш хавфини оширади.

“Биз биламизки, йўтал амбулатория ёрдамига мурожаат қилишнинг энг кенг тарқалган касаллик сабаби бўлиб, ҳар йили йўтал билан тахминан 3 миллион амбулаторияга ва 4 миллиондан ортиқ одам тез ёрдам бўлимига ташриф буюради,- дейди Меренштейн- Оғир йўтал белгилари ва уларни қандай қилиб тўғри даволаш кераклиги, клиник таҳлиллар орқали қўшимча ўрганишни талаб қилади."