Aргентина мамлакат президенти Хавьер Милей буйруғи билан Жаҳон соғлиқни сақлаш ташкилоти (ЖССТ) таркибидан чиқиш жараёнини бошлаб юборди.

Бу ҳақда Президент матбуот котиби Мануэль Адор расмий брифингда маълум қилди.

Эълон қилинган маълумотларга кўра, давлат раҳбари ташқи ишлар вазири Херардо Вертейнуга мамлакатнинг ЖССТ аъзолигини тугатиш жараёнини бошлаш бўйича топшириқ берган. Унинг сўзларига кўра, ушбу қарорга асосан CОVID-19 пандемияси даврида кескинлашган санитария-эпидемиология сиёсатига ёндашувлардаги туб қарама-қаршиликлар асос бўлган.

Президент матбуот котиби Мануэль Адор пандемия давомида ЖССТ томонидан амалга оширилган тадбирлар ва илгари ташкилотга президент бўлган Альберто Фернандес томонидан қабул қилинган қарорлар “Аргентина учун инсоният тарихидаги энг узоқ муддатли карантин”га олиб келганини ва мамлакатни “муайян давлатларнинг сиёсий таъсири остида бўлишига” сабабчи бўлганини таъкидлаган. Хабарда, шунингдек, ЖССТнинг эпидемия давридаги “чегарасиз карантинлари”нинг илмий далилларсиз амалга оширилгани қайд этилган.

Унинг сўзларига кўра, ЖССТдан чиқиш Аргентина соғлиқни сақлаш тизимининг сифатига таъсир кўрсатмайди. Президент вакили ЖССТдан чиқишдан ташқари Аргентина Париж келишувидан ҳам чиқишни кўриб чиқаётганини қўшимча қилган.