17:55 (21.04.2025)
54
COVID-19 билан оғриганларнинг барчасида иммун тизими бузилган - олимлар
АҚШнинг Сент-Луис университети олимлари шундай хулосага келишди.
Тадқиқотчилар 800 мингта «медкарта»ни таҳлил қилишди. Маълум бўлишича, коронавирусни бошдан ўтказган одамларга вируслар, замбуруғлар ва бактериялар 50 фоиз кўпроқ юқмоқда. Уларда касалликлар оғирроқ ва узоқроқ кечяпти, айниқса, нафас йўллари ва ўпканинг шикастланишидан кўпроқ азият чекмоқда.
Тадқиқотчиларнинг фикрича, COVID-19 шиллиқ пардаларни шикастлаб, уларни патогенлар учун кўпроқ ўтказувчан қилиб, иммунитет тизимига узоқ муддатли салбий таъсир кўрсатган бўлиши мумкин. Улар ушбу ҳодисанинг механизмларини тушуниш учун кейинги тадқиқотлар зарурлигини таъкидлайди.
