“Дори-Дармон” акциядорлик компанияси Бошқарув органлари таркибида ўзгаришлар юз берганлиги муносабати билан 2025 йил 30 январь куни компания Бошқарув раиси раҳбарлигида компания таркибидаги жамиятларнинг фаолияти билан боғлиқ масалалар юзасидан навбатдаги кенгайтирилган йиғилиши ўтказилди.

Йиғилишда ҳудудлардаги жамият раҳбарларининг бугунги фаолияти, савдо кўрсаткичлари, тизимдаги дорихоналардаги шарт-шароитлар, жамиятларнинг дебиторлик ва кредиторлик қарзлари ҳамда товар қолдиқлари, 2025 йил феврал-март ойларидаги тўлов режалари ҳақидаги маълумотлари тингланди.

Шундай сўнг жамиятлар фаолиятида юзага келаётган муаммолар атрофлича муҳокама қилинди, таклифлар ўртага ташланди. Хусусан, бугунги кунда аҳоли ўртасида талаб кўп бўлган ва ижтимоий аҳамиятга дори воситаларини олиб келиш, компания дорихоналарини бундай дори воситалари билан тўлдириш, маҳаллий ва хорижий ишлаб чиқариш компаниялари билан ҳамкорлик алоқаларини янада мустаҳкамлаш, дорихоналарда сотувчи ва харидор учун янада қулай шароит яратиш масалалари кун тартибига чиқди.

Дори воситаларининг маркировка жараёнларига алоҳида эътибор бериш, савдо жараёнларини “М-Аптека+” автоматлаштирилган тизимда янада соддалаштириш, дорихоналарнинг “GPP” сертификатини олиш жараёнларини тезлаштириш, реимбурсация дастурига улаш бўйича тавсиялар берилди.