Германия дорихоналар тармоғининг мисли кўрилмаган қисқаришига дуч келмоқда, деб ёзади Reutlinger General-Anzeiger газетаси.

ABDA фармацевтика ассоциациясининг маълумотларига кўра, 2024 йил охирига келиб мамлакатда 17 041 дорихона қолди, бу ўтган йилга нисбатан 3 фоизга кам.

Бу статистик маълумотлар аҳоли орасида хавотир уйғотмоқда, чунки охирги марта бундай паст кўрсаткичлар 1978 йилда кузатилган, ўшанда Германиядаги дорихоналар умумий сони 16 857 тани ташкил этган эди. Бу ҳақда ABDA раҳбари таъкидлаб ўтди.

Салбий динамика ёмонлашишда давом этмоқда: агар 2022 йилда 393 та дорихона ўз фаолиятини тўхтатган бўлса, 2023 йилда бу рақам 497 тага етди. Шу билан бирга, янги очилган дорихоналар сони ҳам сезиларли даражада камайган: 2022 йилдаги 68 та, 2024 йилда атиги 48 та. Aҳоли дори-дармонларни олиш учун узоқроқ масофаларни босиб ўтишга мажбур бўлмоқда ва дорихоналар билан таъминлаш даражаси - ҳар 100 минг кишига тахминан 21 дорихона тўғри келмоқда - бу Европа ўртача кўрсаткичидан (100 минг кишига 32) паст.

Мутахассисларнинг таъкидлашича, инқирознинг асосий омиллари орасида саноатнинг кам молиялаштирилиши, инфляция босими ва пенсия ёшига етган ходимларни ўрнини босувчи ёш кадрларни топиш қийинчилиги киради. Замонавий ёш фармацевтлар ўзларининг дорихона бизнесларини иқтисодий жиҳатдан мақсадга мувофиқ эмас деб ҳисоблашади, бу эса мавжуд муаммоларни янада кучайтиради.