Сўнгги йилларда мамлакатимизда туризм соҳаси иқтисодиётнинг муҳим стратегик тармоғига айланиб бормоқда. Айниқса, ички туризмни ривожлантиришга алоҳида эътибор қаратилмоқда.

Ички туризм орқали эса юртдошларимиз Ватанимиз тарихи, табиатини, диққатга сазовор жойларини ўрганиши, мароқли ҳордиқ чиқариши мумкин.

Президентимизнинг 15.05.2025 йилдаги Фармони билан 2025 йил июнь ойидан бошлаб "Ўзбекистон бўйлаб саёҳат қил!” ички туризмни ривожлантириш дастурини амалга ошириш учун ҳар ойнинг иккинчи ҳафтасининг шанба ва якшанба кунлари "Оила ва жамоа билан саёҳатга чиқиш куни” этиб белгиланган.

"Дори-Дармон" акциядорлик компанияси касаба уюшмаси томонидан ходимлар учун 2025 йил 24 август якшанба  куни Хумсон дам олиш масканига бир кунлик саёҳат уюштирилди.

Угам дарёсининг шарқироқ сувлари, Бўстонлиқ туманидаги тоғларнинг пурвиқор кўриниши қалбларга сокинлик бериб, ўрмонлари, табиатнинг беқиёс гўзаллиги дилларни яйратди.