Халқаро олимлар жамоаси ўпка касалликларини самарали ташхислаш учун сунъий интеллект (СИ) моделини яратди. Тадқиқот Frontiers in Computer Science журналида чоп этилган.

Мутахассисларнинг таъкидлашича, сунъий интеллектнинг машҳур версиялари турли касалликларга ташхис қўйишда жиддий хатоларга йўл қўйиши мумкин. Шунингдек, шифокорлар моделларга тўлиқ ишона олмайдилар, чунки улар кўпинча сунъий интеллект қандай асосда маълум бир хулосага келганини билишолмайди. Олимлар респиратор касалликларни самарали аниқлай оладиган ва нима учун муайян қарор қабул қилинганлигини тушунтириб берадиган моделни яратдилар.

Ташхис қўйиш жараёнида модел ўпканинг ультратовуш қайдларини кўради, ўрганади ва вазиятни динамик равишда баҳолайди. Тадқиқот муаллифи Ниуш Шафиободийнинг сўзларига кўра, касалликларга ташхис қўйишнинг аниқлиги 96,57 фоизга етган – натижалар мустақил экспертлар томонидан тасдиқланган.

Бундан ташқари, модел ёзувларни ўрганаётганда шифокорларга нима учун маълум бир хулосага келганини тушунтириши мумкин. Тизим, шунингдек, иссиқлик хариталари ва тасвирни фокуслаш усулига таянади. Янги СИ модели ўз хулосаларини далиллар билан тасдиқлайди. Тадқиқотчиларнинг фикрича, бундай тизимлар сил, астма, саратон, сурункали ўпка касалликлари ва ўпка фиброзига ташхис қўйишда қўлланилиши мумкин.