@Doridarmon_aloqabot га шундай савол келиб тушкан.

Ўзбекистон Республикаси Президентининг 2025 йил 28 январдаги ПФ-13-сон Фармонига асосан, аҳолининг дори воситалари билан таъминланишини яхшилаш мақсадида 2025 йил 1 апрелдан, яъни бугундан бошлаб дорилар нархини тартибга солишнинг янги тартиби кучга кирди.

Рецепт билан бериладиган дорилар учун савдо устамаси улгуржи ва чакана сотишда уларни етказиб беришда иштирок этувчи воситачилар сонидан қатъи назар чекланади:

Ушбу дориларни улгуржи савдо учун сотиб олинган (базавий) қийматидан — 15% дан;

Чакана савдо учун сотиб олинган қийматидан — 20% дан ортиқ бўлмаган миқдорда савдо устамаси қўлланилади.

Рецепт билан бериладиган дориларнинг нархлари белгиланган улгуржи ва чакана референт нархларидан юқори бўлмаслиги шарт.

Сертификатлаштиришда янги чеклов киритилди:

2025 йил 1 апрелдан бошлаб референт нархлари қайд этилмаган ёки референт нархидан юқори бўлган рецепт билан бериладиган дориларни сертификатлаштириш тақиқланади.

Рецепт билан бериладиган дориларга белгиланган савдо устамаларига қатъий риоя этиш талаб этилади. Белгиланган нархлар ва устамаларга амал қилинмаган тақдирда қонунчиликда белгиланган чоралар кўрилади.

Вазирлар Маҳкамасининг 2022 йил 21 февралдаги 80-сон қарорига мувофиқ, дорилар ва тиббий буюмлар нархларини давлат томонидан тартибга солиш тартибига риоя этмаслик лицензия талабларини (чакана савдо учун қўпол равишда) бузиш ҳисобланади ва бу ҳолат дорихона лицензиясининг бекор қилинишига сабаб бўлиши мумкин.