Сеулдаги Корея университетининг бир гуруҳ олимлари бошқа турдаги ҳужайраларни ўзгартириш орқали юрак тўқимасини қайта тиклаш технологиясини ишлаб чиқди. Тадқиқот Experimental & Molecular Medicine илмий журналида чоп этилди.

Мутахассислар фибробластларни (бириктирувчи тўқима ҳужайралари) етук ва функционал индукцияланган кардиомиоцитларга (юракнинг мушак ҳужайралари) айлантиришни ўргандилар.

Усул фибробласт ўсиш омили 4 ва С витамини комбинациясига асосланган бўлиб, у етукликни тезлаштиради ва ҳужайра фаолиятини яхшилайди.

Тажрибалар давомида олимлар аниқ белгиланган саркомерлар (мушак тўқималарининг бўлаклари) ва Т-найчалари (ҳужайра мембранаси элементлари) билан яхши ҳужайра тузилишига эришди, ион каналлари функцияси яхшиланган ҳолда электр фаоллигини оширди ва етук, тўлиқ қайта дастурлаштирилган кардиомиоцитларни яратишда юқори самарадорликка эришди.

Тадқиқотчиларнинг таъкидлашича, беморнинг ўз тўқимасидан етук кардиомиоцитларни етиштириш бир кун келиб юрак хуружи ёки бошқа юрак-қон томир касалликлари натижасида етказилган зарарни тиклашга ёрдам беради.