“2023–2026 йилларда фтизиатрия ва пульмонология хизматини янада ривожлантиришга қаратилган чора-тадбирлар тўғрисида”ги Президент қарори (ПҚ–12-сон, 20.01.2023 й.) қабул қилинди

Ҳужжат кўра, 2023 йил 1 январдан бошлаб:
- латент туберкулёз инфекциясига скрининг текширувлари сонини 1 миллионтагача етказилади.
-бу касалликка чалинган шахсларни профилактик даволаш қамровини 21 мингтагача оширилади.
-туберкулёз микробактериясини тезкор ген-молекуляр ташхислаш қамровини 120 мингтагача етказилади.
-туберкулёз билан касалланган 18 минг нафар беморни дори воситалари билан таъминланади.

Хусусан:
а) 1-қатор (дорига сезувчан туберкулёз билан касалланган беморлар) – 15 минг;
2 ва 3-қаторлар (дорига резистент туберкулёз билан касалланган беморлар) – 3 минг (2020-й. – 1,9 минг, 2021-й. – 2,3 минг);

б) туман тиббиёт бирлашмаси томонидан аҳоли орасидан туберкулёз билан касалланишга мойиллиги бўлган хавф гуруҳига мансуб шахслар рўйхати шакллантирилади ҳамда:
- ўсмирлар ва катталар рентгенологик (йилига 3,5 миллион);
- болалар иммунологик (йилига 520 минг) текширувдан ўтказилади.

2023 йил 1 февралга қадар фтизиатрия касаллигининг Ягона электрон реестри ишлаб чиқилади. Хавф гуруҳидаги маҳкумлар билан бевосита алоқада бўлаётган ички ишлар ходимларини йиллик кўриклар доирасида латент туберкулёз инфекциясига скрининг ўтказиш тартиби жорий этилади.