Янги тадқиқот шуни кўрсатдики, атиги уч ой давомида ҳар куни протеин ва пребиотикларни қабул қилган 60 ёшдан ошган одамлар хотира тестларида қабул қилмаганларга қараганда анча юқори натижаларни кўрсатди.

Nature Communications журналида чоп этилган ушбу натижалар когнитив функцияларни яхшилашнинг қулай усулини таклиф қилади, шунингдек, ичак системаси фаолиятининг марказий асаб тизимига таъсирини яна бир бор тасдиқлайди.

60 ёшдан ошган 36 жуфт эгизак иштирок этган тадқиқотда пребиотикларнинг кекса одамларда мушак кучи ва когнитив функцияларни яхшилаш хусусияти ўрганилди. Жуфтликнинг бир эгизаги пребиотикларсиз протеин кукунини, иккинчиси эса протеин кукуни ва 7,5 миллиграмм фруктоза олигосахаридлари ва инулинни қабул қилди.

Уч ойдан сўнг қўшимча пребиотиклар қабул қилган эгизаклар когнитив тестларда юқори натижаларни кўрсатди. Шуниси эътиборга лойиқки, бу иштирокчилар когнитив функцияларнинг пасайиши ва Aльцгеймер касаллигини ташхислаш учун қўлланиладиган хотира тестида сезиларли даражада камроқ хатога йўл қўйишди.

Шу билан бирга, тадқиқот муаллифлари парҳез қўшимчаларини қабул қилгандан кейин иштирокчиларда мушак кучи яхшиланмаганини қайд этишди.

Маълумот учун, "Дори-Дармон" акциядорлик компаниясига қарашли дорихоналардан ишончли ва сифатли пребиотикларни қулай нархларда харид қилишингиз мумкин.