Санитария-эпидемиологик осойишталик ва жамоат саломатлиги қўмитаси раҳбари коронавируснинг янги штамми шиддат билан тарқалаётгани ҳақидаги хабарларга изоҳ берди.

Сўнгги вақтларда ижтимоий тармоқларда коронавируснинг янги тўлқини бутун дунёни қамраб олгани ҳақида хабарлар тарқалмоқда. Хусусан, касалланиш ҳолатларининг кўпайиши штаммнинг NB.1.81 варианти билан боғлиқлиги айтилмоқда.

Санитария-эпидемиологик осойишталик ва жамоат саломатлиги қўмитаси раисининг биринчи ўринбосари Нурмат Отабековнинг сўзларига кўра, мамлакатда коронавирус билан боғлиқ эпидемиологик вазият барқарор ва хавотирга ўрин йўқ.

“Шу йил март ойида коронавируснинг Хитойда аниқланган NB.1.81 штамми баъзи мамлакатлар бўйлаб тарқалаётгани ҳақида маълумотлар бор, — дейди мутахассис. — Лекин, СOVID-19 нинг янги тўлқини дунёни қамраб олмоқда, деган хабарлар асоссиз.

Унинг қўшимча қилишича, дунёда касалликнинг янги тўлқини пайдо бўлиш эҳтимоли деярли нолга тенг.