Япониянинг Тохо ва АҚШнинг Дюк университетларининг халқаро олимлар гуруҳи «Daphne pseudomezereum» ёки онишибари ўсимлиги таркибида инсон иммунитет танқислиги вируси (ОИВ) репликациясини босувчи моддалар мавжудлигини аниқладилар.

«Daphne pseudomezereum» — Япония, Хитой ва Кореяда ўсадиган ўсимлик ҳисобланади. Яллиғланишга қарши хусусиятлари туфайли унинг пўстлоғи анъанавий равишда сурункали тери касалликлари ва ревматизмни даволаш учун ишлатилган. Энди эса бу ўсимликнинг меваларида ОИВга қарши кучли фаолликка эга бирикмалар мавжудлиги аниқланди.

Тадқиқот гуруҳи унинг меваларидан 10 та, шу жумладан, илгари номаълум бўлган учта бирикмани ажратиб олди. Уларнинг учтаси ОИВни бостиришда юқори таъсир кўрсатди. Бундан ташқари, бирикмаларнинг цитотокциклиги паст бўлиб, бу уларни кейинги ўрганиш учун истиқболли қилади.

Қайд этилишича, ушбу кашфиёт ОИВга қарши дориларни яратиш учун янги имкониятлар очади.