Даниялик олимларнинг янги таҳлили энг хавфли моддаларни аниқлади.

Копенгаген университети шифохонаси мутахассислари 2010 йилдан 2024 йилгача бўлган даврда ўтказилган 17 та тадқиқотнинг мета-таҳлилини амалга оширдилар. Бу тадқиқотларда жами 11 593 нафар бола (ўртача ёши 11,3 ёш) иштирок этган. Уларнинг 4176 нафарида (36%) патч-тест натижалари ижобий чиқди. Болаларнинг 36,8 фоизида атопик дерматит кузатилди. Таҳлилга киритилган тадқиқотларнинг учтаси АҚШда, иккитадан Италия, Швеция, Исроил ва Данияда, Чехия, Туркия, Таиланд, Ҳиндистон, Нидерландия ва Белгияда эса биттадан ўтказилган.

Никел энг кенг тарқалган аллерген эканлиги аниқланди (патч- тестда ижобий частота 11,9%). Иккинчи ўринни 6,6 фоиз билан кобальт эгаллади. Ароматик аралашма I (долчинли спирт, долчинли альдегид, гидроксицитронеллаль, гераниол, эвгенол, изоэвгенол ераниол ва эман мохи) 4,8% ижобий частотани кўрсатди. Консервантлар, хусусан, метилизотиазолинон 4,3% ни ташкил этди.

Кейинги таҳлиллар шуни кўрсатдики, баъзи аллергенлар, шу жумладан метилизотиазолинон Қўшма Штатларда Европага қараганда тез-тез учрайди.