Дунёнинг баъзи бадавлат мамлакатларида туғилиш даражаси кескин пасайган. Бу ҳақда Иқтисодий ҳамкорлик ва тараққиёт ташкилоти (ОЭСР) ҳисоботида айтилади. Вазият ўзгармаслиги эҳтимоли жуда катта. Фарзандли бўлиш ҳақида гап кетганда, одамлар тобора кўпроқ молиявий масалаларга эътибор беришади.

ОЭСР маълумотларига кўра, 2022-йилда мамлакатлар бўйича туғилишнинг ўртача коэффициенти (яъни, бир аёлнинг ҳаёти давомида туғилган ўртача болалар сони) ҳар бир аёлга 1,5 болани ташкил этди, 1960 йил бу кўрсаткич 3,3 болага кўп эди.

Туғилишнинг паст кўрсаткичлари Кореяда (0,7 бола), шунингдек, Италия ва Испанияда қайд этилган, бу ерда ҳар бир аёлга 1,2 бола тўғри келади. Энг юқори кўрсаткич Исроилда (2,9 бола), иккинчи ўринда Мексика ва Франция, ҳар бирида туғилиш даражаси 1,8 болага тенг.

Саноати ривожланган йирик мамлакатларда 2022 йилда биринчи туғилишнинг ўртача ёши 30,9 ёшга кўтарилди. 2000 йилда бу кўрсаткич 28,6 йилни ташкил этган.

ОЭСР маълумотларига кўра, Эстония, Италия, Япония, Литва, Полша, Португалия ва Испанияда фарзандсиз аёллар улуши икки баравар кўпайган.

ОЭСР ҳисоботида одамларни фарзанд кўришни кечиктиришга ёки ундан қочишга ундайдиган омиллар орасида яхши ота-она бўлиш ва болаларни тарбиялаш учун етарли вақт ажратиш истаги аниқланган.