Dunyoning baʼzi badavlat mamlakatlarida tugʼilish darajasi keskin pasaygan. Bu haqda Iqtisodiy hamkorlik va taraqqiyot tashkiloti (OESR) hisobotida aytiladi. Vaziyat oʼzgarmasligi ehtimoli juda katta. Farzandli boʼlish haqida gap ketganda, odamlar tobora koʼproq moliyaviy masalalarga eʼtibor berishadi.

OESR maʼlumotlariga koʼra, 2022-yilda mamlakatlar boʼyicha tugʼilishning oʼrtacha koeffitsienti (yaʼni, bir ayolning hayoti davomida tugʼilgan oʼrtacha bolalar soni) har bir ayolga 1,5 bolani tashkil etdi, 1960 yil bu koʼrsatkich 3,3 bolaga koʼp edi.

Tugʼilishning past koʼrsatkichlari Koreyada (0,7 bola), shuningdek, Italiya va Ispaniyada qayd etilgan, bu yerda har bir ayolga 1,2 bola toʼgʼri keladi. Eng yuqori koʼrsatkich Isroilda (2,9 bola), ikkinchi oʼrinda Meksika va Frantsiya, har birida tugʼilish darajasi 1,8 bolaga teng.

Sanoati rivojlangan yirik mamlakatlarda 2022 yilda birinchi tugʼilishning oʼrtacha yoshi 30,9 yoshga koʼtarildi. 2000 yilda bu koʼrsatkich 28,6 yilni tashkil etgan.

OESR maʼlumotlariga koʼra, Estoniya, Italiya, Yaponiya, Litva, Polsha, Portugaliya va Ispaniyada farzandsiz ayollar ulushi ikki baravar koʼpaygan.

OESR hisobotida odamlarni farzand koʼrishni kechiktirishga yoki undan qochishga undaydigan omillar orasida yaxshi ota-ona boʼlish va bolalarni tarbiyalash uchun yetarli vaqt ajratish istagi aniqlangan.