Жаҳон соғлиқни сақлаш ташкилоти маълумотига кўра, ўтган йили дунёда 8,3 миллион киши туберкулёзга чалинган, 1,2 миллион бемор эса вафот этган.

Бу — глобал даражада энг юқори ўлим кўрсаткичларидан бири.

Сил — бедаво эмас. Унинг олдини олиш борасида ҳам амалий ечимлар мавжуд. Қолаверса, силни самарали даволаш бўйича жаҳон тиббиётида катта ютуқларга эришиляпти. 

Шунга қарамай, баъзи мамлакатларда :
• молиялаштириш паст,
• тиббий хизматга кириш имкони чекланган,
• профилактика ва назорат ишлари суст.
Натижада муаммо ҳануз глобал даражада долзарблигини йўқотгани йўқ.

Касалланиш ҳолатларининг 87% атиги 30 та давлат ҳиссасига тўғри келади. Улардан энг йириклари:
- Ҳиндистон — 25%
- Индонезия — 10%
- Филиппин — 6.8%
- Хитой — 6.5%
- Покистон — 6.3%

Шу сабаб ЖССТ ҳукуматларни силга қарши кураш чораларини кучайтиришга чақирмоқда.