Янгиликлар

Эрта инсултнинг сабаби аниқланди

Британиялик олимлар 50 ёшгача бўлган инсонлар орасида тажриба ўтказиб, келиб чиқиши номаълум ҳисобланган криптоген инсултлар сабабини аниқлашга муваффақ бўлди. Британиядаги Кил университети олимлари 50 ёшдан кичик бўлган инсонларда криптоген инсултлар — номаълум келиб чиқишга эга инсултлар сабабини аниқлади. Тадқиқот натижаси Neurology Open Access журналида чоп этилди. Криптоген инсултлар тиббиёт ходимлари учун сирлигича қолмоқда: қон томирларининг беркилиб қолиш сабаби номаълум. Ҳолсизлик, нутқ ва кўришда муаммолар — касалликнинг белгилари бўлиб, у ўлим билан якунланиши мумкин. Олимлар ўтказган тажрибада 18-49 ёш оралиғидаги 546 киши иштирок этган — инсултга чалинганлар ва соғлом одамлар. Таҳлиллар натижаси тамаки чекиш инсултнинг асосий хавф омили эканини кўрсатган. Гуруҳдаги инсултни бошдан ўтказганларнинг 33 фоизини чекувчилар ташкил этган. Хавф омиллари (спиртли ичимликлар истеъмол қилиш, қон босими ва таълим даражаси) инобатга олинганида тамаки чекувчиларда инсултга чалиниш эҳтимоли икки баробар кўп экани маълум бўлди. Эркаклар орасида хавф уч баравар, 45-49 ёшдаги одамларда эса деярли тўрт баравар ошиши аниқланди. Йилига 20 қутидан ортиқ тамаки чекадиганларда инсулт хавфи 4-7 баробарга юқори. Олимлар инсулт ҳолатларини камайтириш учун чекишга қарши курашиш бўйича чораларни кучайтиришга чақирди.

20 Март, 14:50
Батафсил